Hau i te piti ‘ahuru kiro tei ‘itehia e te mau mau mūto’i ‘ōti’a i roto hō’ē ‘āfata ‘āuri i Fare Ute. I te paraura’a a Pōrīnetia tahi, nō te fenua nei te ta’ata i poro’i i tāua ‘āfata ‘āuri ra.
Nā roto i te mau pāherura’a i te nohora’a, e tino moni rahi tei ‘itehia.
I teie nei po’ipo’i, ‘ua fa’aha’amana’o te tōmitēra teitei, Eric Spitz, te faufa’a o te mau fa’aaura’a ‘e te rohi ‘āmui e te mau mūto’i ‘ōti’a nō te tahi atu mau hau. « Nō haere noa a’e nei tātou i ‘Auterāria, Aotearoa, te pinepine roa ra tō Mārite i te haere mai na io tātou, e te ‘ite ra vau e te rahi noa atu ra te rā’au ta’ero i te haruhia, te ‘ice anei ‘e ‘aore rā te cocaïne… Rāve’a ato’a terā nō te fa’a’itera’a i terā mau fenua e nā roto i te mau ‘aitauira’a e manuia te mau mā’imira’a« .
Mahana toru, hō’ē kiro cocaïne tei ite-ato’a-hia i ni’a hō’ē iāti. ‘Ua tāpe’ahia te tāpena ‘e e piti atu ā ta’ata. Tei raro a’e rātou i te hi’opo’ara’a a te mau mūto’i.
