‘Ua vaiho ‘o Yan Jambet i tōna ti’ara’a ra’atira nō te pū OPH, parau ‘āpī maita’i nō te Tāvini

Publié le

'Aita 'ona i tīa'i e 'ia tihatihia noa, 'ua fa'aoti 'o Yan Jambet e vaiho i töna ti'ara'a ra'atira nō te pü OPH. 'Ua ani na ho'i te Tāvini i teie nei hepetoma i te peretiteni 'ia rave hō'ē fa'aotira'a. Te tumu, 'ua fa'ahapahia 'ona e te ture.

Piahia i te 15/09/2023 à 18:28 - Fa’arava’ihia i te 15/09/2023 à 18:28

'Aita 'ona i tīa'i e 'ia tihatihia noa, 'ua fa'aoti 'o Yan Jambet e vaiho i töna ti'ara'a ra'atira nō te pü OPH. 'Ua ani na ho'i te Tāvini i teie nei hepetoma i te peretiteni 'ia rave hō'ē fa'aotira'a. Te tumu, 'ua fa'ahapahia 'ona e te ture.

‘Ua topa te hau ‘o te Tāvini i muri a’e i te fa’arara’a a Moetai Brotherson i te pō mahana maha. I tōna ho’ira’a mai na Paris, ‘ua ha’apāpū te peretiteni nō Pōrīnetia i te mau pāpa’i ve’a a Tahiti Infos e Pōrīnetia 1, ‘e ‘ua vaiho ‘o Yan Jambet i tōna ti’ara’a. « Te ‘oa’oa nei au i teie fa’aotira’a. E haere ‘i mua », te pū’ohura’a a te mono peretiteni, Eliane Tevahitua. « E pāhonora’a teie i te anira’a ‘a te pae rahi. ‘Ua vaiho ‘ona i tōna ti’ara’a, e ha’amāuruuru ia ‘iana », i te reo ‘o Mitema Tapati. « Mea au, ‘ua rave ‘ona hō’ē fa’aotira’a maita’i nōna ‘e te tā’ato’ara’a », te mana’o ‘o Oscar Temaru. ‘I ni’a i te mau ‘āmahamara’a i roto i te pupu Tāvini, te pāhonora’a : « ‘Aita e pe’ape’a ».

I roto i te rurura’a a te mau fa’aterehau tarēnahia i te mahana toru ra, ‘ua ho’i mai ‘o Chantal Galenon, te fa’aterehau nō te nohora’a, ‘i ni’a i te parau o te ra’atira o te OPH. Teie ra, nā te fa’aotira’a a te tomite nō te Tāvini ‘i tūra’i iana nō te fa’aho’i i te ti’ara’a ra’atira.

TNTV

Parau 'āpī hōpe'a