Te rava’āi, hō’ē o te mau tumu parau i fa’ahitihia e Moetai Brotherson i mua ‘ia Joe Biden

Publié le

I Washington, 'ua fārerei 'o Moetai Brotherson 'ia Joe Biden. Nā te peretiteni iho nō Pōrīnetia farāni i ha'aparare i te mau hōho'a o tāua rurura'a i ni'a i tāna 'api Facebook.

Piahia i te 25/09/2023 à 17:57 - Fa’arava’ihia i te 25/09/2023 à 17:57

I Washington, 'ua fārerei 'o Moetai Brotherson 'ia Joe Biden. Nā te peretiteni iho nō Pōrīnetia farāni i ha'aparare i te mau hōho'a o tāua rurura'a i ni'a i tāna 'api Facebook.

‘Ua fārerei atu te peretiteni nō Pōrīnetia Farāni Moetai Brotherson ‘ia Joe Biden i Washington. Tītau-manihini-hia, mai ‘ia Edouard Fritch i te matahiti ‘i mā’iri a’e nei, e te tōe’a o te mau fa’atere nō Patīfita.

I ni’a i tāna ‘api natirara, ‘ua pūhara ‘o Moetai Brotherson i te mau hōho’a nō tāua fārereira’a ra e te peretiteni nō te hau Marite.

Taime nō te peretiteni no Pōrīnetia nō te fa’ahiti i te mau tumu parau mai « te ‘ōpuara’a e tāta’i toru te fāito i’a e tautaihia nei ‘e tae noa atu i te tahua taura’a manureva nō Matuita mā », ‘ua ho’i ato’a mai ra « i ni’a i te parau o te pape, te mau ‘ito ‘e te tī’ā’aura’a i te pehu ».

Māta’ita’i i te hā’utira’a tu’era’a pōpō marite, ha’amau i te mau pū ti’ahau ‘āpī e tae noa atu i te mau tauturu rau : terā tei fa’aineinehia mai e Joe Biden nā te mau fa’atere nō Patīfita.

‘Ua ha’apāpū ‘o Moetai Brotherson ‘aita ‘oia i ‘āmui atu i te tu’era’a pōpō, ‘aita ato’a i haere i te tere fārerei i te mau mūto’i ‘ōti’a moana marite.

TNTV

Parau 'āpī hōpe'a