Oraihoomana Teururai nōminohia ra’atira nō te pū OPH

‘Ua piahia i roto i te ve’a nā te hau te parau mana fa’a’ite ra ‘e’ere ‘o Yan Jambet fa’ahou te ra’atira ‘o te OPH. ‘Ua fa’atupu nā tōna nōmino-ra’a-hia i te ‘āva’e ‘ātete i te mau uiuira’a i roto i te pae rahi e te pae iti.

Nō te monora’a ‘iana, ‘o Oraihoomana Teururai tei fa’a’utahia i ni’a i te ti’ara’a ra’atira’a o te pū e tī’a’au ra i te mau nohora’a tōtiare. Te vaiho nei ‘oia i tōna ti’ara’a ra’atira ‘e tī’a’au ra ‘i te ‘oire e te nohora’a. ‘O Vaihere Ferrand tei mono atu ‘iana.