Fa’aarara’a mauha’a tūpita ‘i Huahine : ‘ua fa’aāteahia te mau ta’ata

Fa’aarara’a mauha’a tūpita i te taura’a manureva nō Huahine i teie nei po’ipo’i mahana maha. ‘Ua anihia i te mau rave ‘ohipa ‘e te mau ta’ata ato’a e vai ra i reira, e ‘ia fa’atea i taua vāhi ra. I ni’a i te tahua taura’a manureva, te vai ato’a ra e 2 manureva e tā rāua mau horopatete.

Ia au au i te piha ‘ohipa a te tōmitera teitei, te ravehia manureva e tāna mau horopātete tei ni’a i te tahua taura’a. Tau hora i muri mai, ‘ua hōro’ahia te parau fa’ati’a i te manureva, nūmera VT 352, nō te fa’areva atu i te motu nō Ra’iātea. 46 ta’ata e utahia e ana. ‘Āre’a ra nō te tahi atu manureva, nūmera VT 471, 11 horopatete, e fa’a’oroma’i ā ia i Huahine.

Ia au i te piha ‘ohipa a te tomitera teitei, e fa’a’ohipahia te mau rāve’a nō te fa’atea i teie fifi.

‘Ua ineine te mau fa’ehau tūpohe auahi. ‘Ua naho ato’a te pere’o’o fa’auta ma’i. Tei reira ato’a te mau mūto’i farāni.

I mua i teie ‘ohipa, ua fa’aara te taiete Air Tahiti i ni’a i tāna ‘api facebook, e taupupu te mau rerera’a manureva i teie nei mahana.