Muri mai ia Nuku Hiva, te fāna’o nei te mau vahine nō Hiva ‘Oa hō’ē mātini no te hi’opo’ara’a tītī.

Publié le

Pae matahiti 'i muri mai 'i te ha'amaura'ahia te mātini hi'opo'ara'a tītī nō Nuku Hiva, teie mai nei tō te motu nō HIva 'Oa. Mai tōna fa'a'ohipara'ahia, 'āhuru mā pae a'e mama nō Nuku Hiva tei 'itehia 'i te māriri 'aitītī. Hō'ē fa'aaura'a tei tu'urimahia 'i rotopū 'i te tā'atira'a 'e 'aro ra 'i te mau ma'i māriri 'aita'ata 'e te fa'aterera'a nō te ea.

Piahia i te 29/08/2023 à 15:48 - Fa’arava’ihia i te 29/08/2023 à 15:48

Pae matahiti 'i muri mai 'i te ha'amaura'ahia te mātini hi'opo'ara'a tītī nō Nuku Hiva, teie mai nei tō te motu nō HIva 'Oa. Mai tōna fa'a'ohipara'ahia, 'āhuru mā pae a'e mama nō Nuku Hiva tei 'itehia 'i te māriri 'aitītī. Hō'ē fa'aaura'a tei tu'urimahia 'i rotopū 'i te tā'atira'a 'e 'aro ra 'i te mau ma'i māriri 'aita'ata 'e te fa'aterera'a nō te ea.

Tu’urimara’a parau fa’aau rotopū ‘i te ta’atira’a ‘e ‘aro nei te mau ma’i māriri ‘aita’ata ‘e tō te fa’aterera’a nô te ea.

‘E’ere ‘i te ‘oa’oa ‘i te piha ‘ohipa ‘a te fa’atere ra’a no te ea, hō’ē parau fa’aau tei tu’urimahia, ‘ia fâna’o ato’a te mau vahino nō Hiva Oa, motu ‘e vai ra ‘i te pae ‘apato’a nō Mātuita, ‘i te mātini no te hi’opo’ara’a tītī. ‘Ua tu’uhia teie anira’a ‘i roto i te pi’ira’a mātete. Te tīa’ihia ra teie mātini hou teie hōpe’a matahiti, toru ‘āhuru mirioni farāne te tāpura faufa’a ‘i fa’ata’ahia nō tāua fa’anahora’a ra. Tōna aura’a, ‘e nā reira-ato’a-hia ‘i te pae ‘apato’erau nō te arai ‘i te ma’i māriri ‘aitītī.

« Nō te mea ‘i Nuku Hiva anei ‘ua ‘itehia te mau vahine tei hia’ai ‘e haere ‘e hi’opo’a ‘ia rātou, ‘i te pae Atuona ato’a. ‘I teie mahana, ‘ua hina’aro te fa’aterera’a hau fenua ‘e tu’u teie mātini nō te ha’afaufa’ara’a ihoa ‘i teie mau vahine (…) ‘I teie mahana, nā te pū nō Hiva ‘Oa ‘e fa’anaho mai te reira, tā mātou tuha’a, te ‘apiti-noa-ra’a ‘ia ‘e te tauturura’a ‘ia rātou, ‘ia ‘amui mai te mau vahine, ia ara ato’a te mau vahine ‘eaha mau te fa’anahora’a nō te haere atu ‘e rave ‘i teie hi’opo’ara’a. ‘Ei tauturura’a ‘i te mau tā’atira’a anei ‘aore rā te mau ‘oire anei nō te ha’aputuputura’a ‘ia rātou », te ha’apāpūra’a ‘a te peretiteni nō te tā’atira’a ‘e ‘aro nei ‘i te mau ma’i māriri ‘aita’ata, Natacha HELME.

‘Ua riro ato’a teie rave’a ‘āpī ‘ei māpura’a aho nō te mau vahine nō te pae apato’a no te Henua ‘enana, te fifi nei ‘i te pae ‘o te utara’a nō te tere ‘i te pae ‘apato’erau ‘o teie ta’amotu.

« E’ere ‘ihoa ‘i te ‘ohipa ‘ōhie nō te mau māmā ‘ia pa’i’uma ‘i Nuku Hiva. ‘E fa’a’ohipa rātou ‘i te poti ‘auhopu, te manu tautau ‘aore ra te manureva, ‘e nā rātou ‘iho ‘e amo te ha’amāu’a ra’a ‘o teie tere. Nō reira ‘i ha’afatata hia ai teie mātini ia rātou ‘ia fāna’o rātou ‘i teie mau rāve’a rapa’aura’a » te mana’o maūruuru no roto mai ‘ia Natacha HELME.

« Tei roto roa teie fa’anahora’a ‘i te hō’ē ‘ōperera’a ‘āmui ‘o te mau rāve’a rapa’au »

Te fa’aha’amana’o fa’ahou nei te tā’atira’a ‘e ‘aro nei ‘i te mau ma’i māriri ‘aita’ata, ‘ia rave-‘oi’oi-hia te ma’i ‘ōhie ato’a ia te rapa’aura’a. Va’u mirioni farāne, te ha’amāu’ara’a nō te rapa’au ‘i te māriri ‘aita’ata ‘e ‘ua taere roa ‘i te rave-ra’a-hia, ‘e toru noa mirioni farāne mai te peu ‘aita te ma’i ‘i ‘ino roa.  

« Tei roto roa teie fa’anahora’a ‘i te hō’ē ‘ōperera’a ‘āmui ‘o te mau rāve’a rapa’au (…) te nuna’a nō te mau motu atea teie ‘e ha’afaufa’ahia ra. Tītauhia ihoa ‘ia ‘īriti ‘i te fa’a’ohipara’a ‘o te hō’ē mātini ‘i teie mau pae fenua » te ha’apāpūra’a ‘a te fa’aterehau no te ea, Cédric MERCADAL.

Te mau motu Tuha’a pae te riro ato’a ‘i te fāna’o ‘i teie rave’a araira’a. ‘Ua hōro’a te tā’atira’a ‘i tōna mana’o ‘e ha’amau ‘i te hō’ē mātini ‘āfa’ifa’i nō te hi’opo’ara’a ‘i te tītī ‘o teie mau māmā.

TNTV

Parau 'āpī hōpe'a