I te ārea nō te hora 10 i te pō tāpati tāua ‘ati i te tupura’a. Nō te pūai o te mata’i, ‘ua pārare te auahi i ni’a e 3 fare tāpiri. ‘Ua fa’atupu ato’a te reira i te mata’u i te mau ‘utuāfare e mea piri atu te nohora’a i te hōtēra.
‘Ua tonohia te mau fa’ehau tūpohe auahi nō te tinai i te reira, turuhia e te mau ta’ata nō Popora.
I roto i tāna parau fa’aarara’a, te fa’a’ite ra te piha ‘ohipa a te tōmitēra teitei e »’ua fa’ateahia nā rātere 103 e ‘ua ‘āfa’ihia i roto i te tahi atu hōtēra. E 2 ta’ata pēpē māmā i roto i teie ‘ati ».